Dës Associatioun bréngt Leit zesummen, déi un der Geschicht vu Réimech interesséiert sinn..
Haaptziler: historesch Dokumenter iwwer Réimech ze dokumentéieren, ze archivéieren an ze erhalen, an dës dem breede Public duerch Virträg, Ausstellungen a Publikatiounen zougänglech ze maachen.
Si organiséiert fir hir Membere geféiert Touren an a ronderëm Lëtzebuerg.
All déi, déi un der lokaler Geschicht interesséiert sinn a gären en aktive Bäitrag zu hire Projete leeschte wëllen, sinn häerzlech wëllkomm!
Gaard an Heem organiséiert Evenementer mat dem Zil, d’Interesséiert op verschidde Manéieren un de Gaart an d’Natur erunzeféieren (z. B. Visiten a botanesche Gäert oder Ausstellungen, Schneidcoursen, Virträg iwwer Gaardebau, asw.).
De Club engagéiert sech dozou, d’materiell a moralesch Interesse vun de St-Cunibert-Guiden a -Scoute vu Réimech z’ënnerstëtzen.
D’Associatioun besteet aus Memberen vun de Veräiner, déi all Joer e Wisefest um Gréin organiséieren.
D’Zil vun der Associatioun ass et, d’Wisefester ze koordinéieren an Virschléi fir d’Verbesserung vun der Infrastruktur virzebréngen.
Zil: d’religiéis Grondlagen vun der Associatioun ze erhalen an hir weider Existenz duerch aktiv Memberen ze garantéieren.
Aktivitéiten: Bazar, ‘Krautwëschdag’, Wallfaarten, verschidde Prozessiounen, Bastelen, Rousekranzgebieder mat de Kanner vun der éischter Helleger Kommunioun, Weltgebietsdag, asw.
D’Cavalcade asbl ass e Veräin, deen an Zesummenaarbecht mat der Gemeng Réimech , d’Cavalcade organiséiert.
Eng Cavalcade gouf et schonn virum Zweete Weltkrich, an dës Traditioun gouf bis 1967 oprechterhalen. Dono gouf et 20 Joer laang keen Ëmzuch méi wéinst engem Mangel u Fräiwëllegen. 1985 huet e Grupp Leit decidéiert, dës Traditioun nees opliewen ze loossen.
D’Chorale séngt op Evenementer wéi Hochzäiten, Begriefnisser a massen. All Sänger ass wëllkomm. Mindestalter: 16 Joer.
