Méi wéi Beien – ziel mat!

Ënnert dem Motto “Méi wéi Beien – ziel mat!” rifft natur & ëmwelt all d’Frënn vun der Natur dozou op, vum 09.-18. Juni bei der dësjäreger Insektenzielung matzemaachen! 🪲🦋🪰🐞

Zielt wärend enger Stonn (tëschent 10:00 a 16:00 Auer) a bei sonnegem Wieder, wa net ze vill Wand ass, d’Insekten an Ärem Gaart, Bongert, asw.

Passt op, dass dir an engem Radius vun 10m bleift.

Bestëmmt déi verschidden Insekten-Aarten

Är Beobachtungen kënnt Dir via Online-Formulaire areechen (gëtt eréischt den 09.06. fräigeschalt) 👉 https://de.surveymonkey.com/r/meiweiBeien

Jiddereen dee matmécht, hëlt automatesch Deel um grousse Gewënnspill!
Ze gewanne gëtt et eng Visite guidée vum Haus vun der Natur mat engem Akafsbong vun 50€ fir an de Shop Nature (1. Plaz), d’Buch “Insektenwelt für Ahnungslose, Krabbeltiere sehen und lieben lernen” (2.-5. Plaz), oder Insektenhoteler (6.-10. Plaz). 😍

 

06.06.2023 | Gemengerot

Den nächste Gemengerot ass en Dënschdeg, de 6. Juni 2023 em 09:00 Auer an der Gemeng (Salle des séances).

De Buet Mee-Juni 2023 ass elo online!

De Buet Mee-Juni 2023 ass online!

Eise Gemengebuet steet Iech vun 2023 u just nach online op eisem Site www.remich.lu zur Verfügung.

Direkte Link op déi aktuell Ausgab

Dir sidd e Réimecher Bierger oder Geschäft a wëllt och weiderhin eng gedréckte Versioun vum Buet hunn, da bestellt dës per E-Mail u mato@remich.lu oder fëllt d’Bestellkoart aus a mir schécken Iech Äre Buet heem.

Nopeschfest | 26.05.2023

Maacht mat beim Nopeschfest!

E gemittlechen Owend mat Äre Noperen – mellt Iech elo mam Formulaire un!

 

21.04.2023 | Gemengerot

Den nächste Gemengerot ass e Freideg, den 21. Abrëll 2023 em 09:00 Auer an der Gemeng (Salle des séances).

D‘Stad Réimech sicht een Informatiker

D‘Stad Réimech sicht een Informatiker (m/w/x), CDI, 40 Stonnen/Woch

Missioun:

  • Gestioun vun der Informatik vun der Gemeng.
  • Kenntnisser vum geographeschen Informatiounssystem (S.I.G.) si vu Virdeel

Dir sidd interesséiert, da schéckt Är Demande bis spéitstens de 6. Mee mat folgenden Piècen un der Personalbüro vun der Stad Réimech, B.P. 9, L-5501 Réimech:

  • CV mat folgenden Infoen: Numm a Virnumm, Nationalitéit, Matricule, Mailadress, Diplomer, beruffleche Virkenntnesser a sproochleche Kenntnisser
  • Motivatiounsschreiwes
  • Kopie vun der Carte d’Identité oder dem Pass
  • Kopie vum Opnamexamen fir e Fonctionnairesposten (falls Dir deen hutt)