Info Spendesammelaktioun | UNICEF Luxembourg

 

Tëscht dem 27. Juli an 1. August 2026 si Mataarbechter vun UNICEF Luxembourg zu Réimech ënnerwee fir hir Spendesammelaktioun.

D’Mataarbechter sinn un hirer Kleedung, de Faarwe vun der UNICEF an un den Déngschtausweiser ze erkennen. Si huele kee Boergeld un, d’finanziell Ënnerstëtzung gëtt iwwert en Tablet bestätegt a geet iwwert en Ordre permanent direkt vun Ärem Bankkonto of.

Bongenaktioun Nationalfeierdag | Lëscht mat Betriber wou matmaachen

 

 

Léif Awunnerinnen an Awunner,

Déi nächst Deeg fannt Dir an Ärer Bréifkëscht d’Bongen déi d’Stad Réimech fir de Nationalfeierdag all Réimecher Awunner offréiert.

Dir kënnt Är Bongen an de Réimecher Restauratiouns- a Wënzerbetriber aléisen.

D‘Lëscht mat de Betriber wou deelhuele fannt Dir zesumme mat de Bongen an Ärer Bréifkëscht oder an dësem Dokument: Commerces-participants_NF_2026

Mir wënschen Iech e schéinen Nationalfeierdag.

Aféiere vun engem neie Pass zu Lëtzebuerg

Aféiere vun engem neie Pass zu Lëtzebuerg ab dem 11. Mee 2026

  • Wat ännert?
    Just d’Dauer vun der Gültegkeet
    – Kanner 0-4 Joer: 2 Joer gülteg
    – Kanner 4–18 Joer: 5 Joer gülteg
    – Erwuessener: 10 Joer gülteg
  • Prozedur a Präis bleiwen déi selwecht
 
Den 8. Mee 2026 ass keng Ufro fir e Pass méiglech, ab dem 11. Mee 2026 kënnt Dir Är Ufro fir e Pass wéi gewinnt maachen
 
Méi Info: https://bit.ly/3R1E62q 

wengertsbourse.lu – Wengertsparzellen einfach fannen a verpachten

wengertsbourse.lu – Wengertsparzellen einfach fannen a verpachten

Sidd Dir op der Sich no neie Wengertsparzellen oder wëllt Dir Flächen verpachten respektiv verkafen?

Mat wengertsbourse.lu start déi nei Online-Plattform fir d’Lëtzebuerger Muselregioun. Am Kader vum LEADER-Miselerland-Projet „Rebflächenbörse & Brachflächenmanagement“ gouf dës Internetsäit entwéckelt, fir Offer an Nofro un der Musel einfach an neutral zesummenzebréngen.

Är Virdeeler op ee Bléck:

  • An manner wéi 2 Minutten ass Är Annonce online.
  • Automatesch Integratioun vun de FLIK-Donnéen (Lag, Hangneigung, asw.).
  • 1-zu-1 Vermëttlung inklusiv Chat-Funktioun.
  • Regional & gratis: D’Bourse fir déi Lëtzebuerger Musel.

Hei geet et direkt op d’Plattform: https://wengertsbourse.lu/ oder scannt einfach de QR-Code mat Ärem Handy.

KONTAKT:

Felix WEYER,  Koordinateur vum Projet «Rebflächenbörse & Brachflächenmanagement» vum LEADER Miselerland

E. felix.weyer@leader.lu | T. (+352) 75 01 39 | Mé -Dë 8:00 – 17:00 & Më 8:00 – 12:00

Cavalcade 15.03.2026 | Verkéiersinformatiounen & Ännerungen beim ëffentlechen Transport

Verkéier

Sonndes, de 15. Mäerz 2026 si wéinst der Cavalcade zu Réimech verschidde Stroosse gespaart vun 13 bis ongeféier 18 Auer.

Op ville Plazen ass et och verbueden ze parken. Mir bieden Iech d’Beschëlderung vun de verschiddene Parkverbueter genee ze liesen éier Dir Ären Auto ofstellt.

Detailléiert Informatioune fannt Dir am Verkéiersreglement.

Ëmleedungen si gezeechent.

Ännerungen am ëffentlechen Transport

Betraff sin d’Linnen 341, 342, 406, 411, 413, 431, 432 a 550, sou wéi och verschidde Busarrêten.

Weider Informatioune fannt Dir bei de jeeweilege Linnen op mobiliteit.lu oder am Avis vum RGTR.

Programm vum ganze Weekend

>> cavalcade-remich.lu

De Buet Mäerz-Abrëll 2026 ass online!

 

Déi nei Editioun vun onser Gemengenzeitung “De Buet” ass online!

Eise Gemengebuet steet Iech vun 2023 u just nach online op eisem Site www.remich.lu zur Verfügung.

Direkte Link op déi aktuell Ausgab

Dir sidd e Réimecher Bierger oder Commerce a wëllt och weiderhin eng gedréckte Versioun vum Buet hunn, da bestellt dës per E-Mail u mato@remich.lu oder an der Receptioun vun der Gemeng a mir schécken Iech Äre Buet heem.

Info Spendesammelaktioun | UNICEF Luxembourg

Tëscht dem 02. a 07. Februar 2026 si Mataarbechter vun UNICEF Luxembourg zu Réimech ënnerwee fir hir Spendesammelaktioun.

D’Mataarbechter sinn un hirer Kleedung, de Faarwe vun der UNICEF an un den Déngschtausweiser ze erkennen. Si huele kee Boergeld un, d’finanziell Ënnerstëtzung gëtt iwwert en Tablet bestätegt a geet iwwert en Ordre permanent direkt vun Ärem Bankkonto of.