Verstäerkung fir eis Service-Ekipp gesicht !

Mir siche motivéiert Leit, déi eis beim Service op eisen Events ënnerstëtzen.
 
Profil:
  • Dir schwätzt Lëtzebuergesch, Däitsch a Franséisch?
  • Dir sidd flexibel?
  • Dir sidd gär a Kontakt mat anere Leit?
  • Dir sidd zouverlässeg, dynamesch, pünktlech a schafft gären an der Ekipp?
  • Dir hutt Virkenntnesser am Service?
 ☝️ Opgepasst!
  • keng fest Aarbechtsplaz oder Aarbechtsvertrag
  • Bezuelung jee Stonn nom Gemengereglement
>>> Schéckt ons Är Kandidatur mat CV a Foto op: mato@remich.lu.

Route barrée “Avenue Lamort-Velter”

🚧🚧 Route barrée “Avenue Lamort-Velter” | ab  08.04.2025 a bis den 10.04.2025 um 09:00 Auer
🟠 D’Avenue Lamort-Velter ass wéinst gréisseren Aarbechten vum Waasserréesau gespaart. Den Accès fir d’Awunner ass weiderhi méiglech.
🚌 D’Arrêten vun der Réimecher Navette an der Avenue Lamort-Velter kënnen dofir och net ugefuer ginn.

Chantier Route de Luxembourg | Traffic & Accès 11.04.2025

Route de Luxembourg – Erneierung vum Stroossebelag

Ponts & Chaussées hunn ons matgedeelt, dass d’Route de Luxembourg wéinst der Erneierung vum Stroossebelag den 11. Abrëll 2025 tëscht 09:00 a 17:00 Auer ab dem Haus n°03 bis d’Kräizung Route de l’Europe (N2) fir de Verkéier gespaart ass.

En plus

  • ass et op deenen 2 Säite vun der Route de Luxembourg verbueden ze parken den 11. Abrëll 2025 ab 06:00 Auer a bis zum Schluss vun den Aarbechten.
  • ass weder d’Zoufaart zu de Garagen nach d’Ausfaart aus de Garagë méiglech.
  • ginn d’Busarrête fir d’Dauer vun den Aarbechten net ugefuer (ëffentlechen Transport & Navette vun der Stad Réimech).

D’Awunner si gebieden déi néideg Moossnamen ze huelen an och hir Livreuren ze informéieren.

Bauhär
Administration des Ponts et Chaussées
T. (+352) 2846 2200
E. srrm@pch.etat.lu

Merci fir Ärt Verständnis.

Cavalcade 30.03.2025 | Verkéiersinformatiounen & Ännerungen beim ëffentlechen Transport

Verkéier

Sonndes, den 30. Mäerz 2025 si wéinst der Cavalcade zu Réimech verschidde Stroosse gespaart vun 13 bis ongeféier 18 Auer.

Op ville Plazen ass et och verbueden ze parken. Mir bieden Iech d’Beschëlderung vun de verschiddene Parkverbueter genee ze liesen éier Dir Ären Auto ofstellt.

Detailléiert Informatioune fannt Dir am Verkéiersreglement.

Ëmleedungen si gezeechent.

Ännerungen am ëffentlechen Transport

Betraff sin d’Linnen 341, 342, 406, 411, 413, 431, 432 a 550, sou wéi och verschidde Busarrêten.

Weider Informatioune fannt Dir am Avis vum RGTR.

Programm vum ganze Weekend

>> cavalcade-remich.lu

Biergerowend | 21.03.2025

De Schäfferot invitéiert seng Bierger op  Biergerowend e Freideg, den 21.03.2025 um 19:00 am groussen Zelt um Parking bei der Piscine.

Bei engem Patt kritt Dir lafend a künfteg Projeten virgestallt, gitt méi iwwer ons Eventer gewuer a kritt an Abléck an d’Zesummeliewen an der Gemeng.

Musikalesch Animatioun ass garantéiert (DJ Hofmeister), an fir Iessen a Gedrénks suergt den Organisatiounscomité vun der Cavalcade.

Mir freeën eis Iech deen Owend ze begréissen.

 

leneda.lu | Nei national Energieplattform

Creos informéiert iwwer déi nei Energiedatenplattform leneda.lu. Dës Plattform soll d’Verwaltung vun den Donnéeën vum Energiesektor vereinfachen a méi sécher maachen. Zousätzlech bitt lenada.lu den Zougang zu de Verbrauchs- a Produktionsdonnéeën.

Vun Abrëll 2025 un muss Dir eng Energie ID hun fir all Transaktiounen wéi z.B. Plënneren (privat oder fir Äre Commerce), Ufroen oder Ännerungen vum Stroumuschloss.

Croix-Rouge Buttek | Keng Spende virun der Dir ofstellen

De Croix-Rouge Buttek erënnert drun, dass d’Spende just wärend den Ëffnungszäiten ugeholl gin.
Weg keng Spenden virun d’Dir stellen!
Ëffnungszeiten
Méindeg: 13:30-17:00
Dënschdeg: 09:30-12:30 & 13:30-17:00
Mëttwoch: Geschlossen
Donneschdeg: 14:30-19:00
Freideg: 09:00-13:00