Route barrée Rue Dauvelt, Rue St. Nicolas & Rue Wenkel

🚧🚧 Route barrée Rue Dauvelt, Rue St. Nicolas & Rue Wenkel
 
🟠 Vum 13.11.2024 bis de 14.11.2024 sinn d’Rue Wenkel ab dem Haus n°25 bis Kräizung Rue St Nicolas & d’Rue Dauvelt ab dem Haus n°4 bis d’Haus n° 28 Rue St Nicolas gespaart.
 
🟢 Den 21. November ass d’Rue Dauvelt komplett gespaart.
 

De Buet November-Dezember 2024 ass online

 

De Buet November-Dezember 2024 ass online!

Eise Gemengebuet steet Iech vun 2023 u just nach online op eisem Site www.remich.lu zur Verfügung.

Direkte Link op déi aktuell Ausgab

Dir sidd e Réimecher Bierger oder Commerce a wëllt och weiderhin eng gedréckte Versioun vum Buet hunn, da bestellt dës per E-Mail u mato@remich.lu oder fëllt d’Bestellkoart aus a mir schécken Iech Äre Buet heem.

Klima Agence | Bilan vun den Aktivitéiten a nei Campagne

Bilan vun den Aktivitéiten

De 15. Oktober 2024 huet Klima Agence de Bilan vun hirer onofhängeger a gratis Berodungsoffer gezunn an déi national Sensibiliséierungscampagne virgestallt. Am Mëttelpunkt stoungen d’Aktivitéiten um Niveau vun de Stéit, de Gemengen an de professionellen Acteure. Mam Zil den Energie- a Klimasujet nach méi accessibel no baussen ze droen, lancéiert Klima Agence och nach de “Solar Challenge”- Concours an en Appel à projets fir déi energeetesch Renovatioun vu Residencen ze encouragéieren. De Communiqué mat all den Detailer fannt dir hei: Communiqué de Presse

Sensibiliséierungscampagne

 

 

 

 

 

 

 

 

 

 

 

 

 

 

 

 

 

 

 

 

 

D’Zil vun dëser Campagne ass et der Klima Agence hir Expertise a Begleedungsoffer an de Mëttelpunkt ze stellen. Fir e Projet an der energeetescher Transitioun ëmzesetze brauch een déi richteg Informatiounen. Egal ob et drëms geet säin Doheem ze isoléieren, eng Photovoltaikanlag ze installéieren, mat erneierbaren Energien ze hëtzen oder op Elektromobilitéit ëmzeklammen : Klima-Agence ënnerstëtzt all d’Acteure bei hire Klima- an Energieprojeten. Alles op enger Plaz a mat Léisungen déi op all Situatioun ugepasst sinn.

Solar Challenge

De Solar Challenge huet d‘Zil all d’Akteuren zu Lëtzebuerg – Gemengen, Bierger, an Entreprisen – matzehuelen an unzereegen, nach méi Stroum duerch Solarenergie ze produzéieren.

Weider Informatiounen: solarchallenge.lu

Bestellt Ären Adventskranz bei de Guide a Scouten

Och dëst Joer maachen d’Guiden a Scouten erëm flott Adventskränz op Bestellung.

Bestelle kënnt Dir online oder per Telefon bis den 18. November 2024:

  • W. https://remich.lgs.lu/adventskranz2024/
  • T. 621 691 044

Detailer fannt Dir um Flyer

18.10.2024 | Gemengerot

Den nächste Gemengerot ass den 18. Oktober 2024 am Gebai “Al Schoul” | 1, Rue Neuve zu Réimech.

Chantier Rue Dauvelt | Traffic & Accès 10-19.10.2024

Informatioun vun der Firma KUHN un d’Awunner

Ëmbau vun 2 Haiser: 4, Rue Dauvelt / 38, Rue St Nicolas zu Réimech

Am Kader vun den Ëmbauaarbechte gouf d’Uschlëss un déi verschidde Reseaue fir den Zäitraum vum 10. Oktober 2024 ab 07:00 Auer bis den 18. Oktober um 17:00 Auer geplangt.
Dowéinst muss d’Strooss vun der Nummer 4, Rue Dauvelt, bis d’Nummer 30, Rue St Nicolas, gespaart ginn.

Tësche 07:30 a 17:00 Auer ass keen Zougang méiglech.

 

 

 

Info Spendesammelaktioun | UNICEF Luxembourg

Tëscht dem 07. an 12. Oktober 2024 si Mataarbechter vun UNICEF Luxembourg zu Réimech ënnerwee fir hir Spendesammelaktioun.

D’Mataarbechter sinn un hirer Kleedung, de Faarwe vun der UNICEF an un den Déngschtausweiser ze erkennen. Si huele kee Boergeld un, d’finanziell Ënnerstëtzung gëtt iwwert en Tablet bestätegt a geet iwwert en Ordre permanent direkt vun Ärem Bankkonto of.

Chantier Rue St. Nicolas – Rue Wenkel | Traffic & Accès 09-10.10.2024

UPDATE > WÉINST SCHLECHTE WIEDERKONDITIOUNEN OFGESOT

Wann d’Wiederkonditiounen et erlaben, gëtt de Stroossebelag an der Rue Wenkel (vun der Kräizung Rue St. Nicolas bis bei d’Haiser 24 a 25 an der Rue Wenkel) de 9. an 10. Oktober 2024 erneiert.

Route barrée: 09.10.2024 ab 7:00 Auer bis 10.10.2024 um 17:00 Auer

  • Rue St. Nicolas – ab Kräizung Montée de la Chapelle bis Kräizung Rue Wenkel
  • Rue Wenkel – ab Kräizung Rue St. Nicolas bis bei d’Haiser 24 a 25 an der Rue Wenkel

Parkverbuet: 09.10.2024 ab 7:00 Auer bis 10.10.2024 um 17:00 Auer

  • béidsäiteg an der Rue Wenkel

Zougang zu de Garagen

  • Den Zougang zu de Garagen an der Rue Wenkel ka leider net garantéiert ginn.

Plang