Réimecher Kiermes

Endlech ass et nees esou wäit: d’Réimecher Kiermes mat Spiller, Gedrénks- an Iessbude fir déi ganz Famill!

Familljendeeg mat extra Präisser: 30.04 a 07.05

Ëffnungszäite vun der Réimecher Kiermes

  • Méindeg – Freideg:
    • Iess- a Gedrénksstänn: 12:00-21:00
    • Spiller: 14:00-21:00
  • Samschdeg – Sonndeg, 01/05: 12:00-21:00

I3 Festival

Um Samschdeg, den 9. Mee 2026, organiséiert den Dräilännereck mat sengen 12 i³-Gemenge fir déi 3. Kéier de grenziwwerschreidenden Festival³!

Ronderëm Apach-Perl-Schengen-Muselbréck, am Zentrum vum DE-FR-LU-Dräilännereck, erwaarden Iech Museker, Kënschtler a verschidde Stänn mat Iessen, Gedrénks, Handwierksaarbechten an Informatiounen. Fir den Europadag ze feieren, presentéieren Associatiounen, Wënzer an d’Awunner vun den 12 Gemengen, wat d’Regioun ze bidden huet.

Den Entrée ass gratis.

Erlieft den Dräilännereck mat all senge kulinareschen a musikalesche Facetten!

Nopeschfest

Maacht mat beim Nopeschfest!

E gemittlechen Owend mat Äre Noperen !

 

Wine Taste Enjoy

Wine, Taste, Enjoy – De Päischtweekend ass de Weekend vun den oppene Kellereien op der ganzer Musel.

Op Péngschte lueden d’Wënzer, d’Kellereien an d’Brennereien op den allsäits beléiften “Wine Taste, Enjoy” an hire Kelleren, Gäert an Terrassen an. Net nëmmen Degustatioune vun de beschte Miseler Wäiner a Cremanten an Drëppen, mä och geféiert Visiten, Musek, Konschtausstellungen, Liesungen a kulinaresch Spezialitéite gehéieren zum traditionelle Wine Taste Enjoy dobäi. De Wine Taste Enjoy ass dat perfekt Event fir e flotten Dag mat Kollegen op der Musel ze verbréngen an esou d’Regioun besser kennen ze léieren.

Poterowend | Petanque & Barbecue

Kommt op „Poterowend“, e gesellegen Owend fir Lëtzebuerger an Net-Lëtzebuerger, verdéift är Lëtzebuergesch Kenntnisser a léiert nei Leit kennen.

Haut um Programm: Petanque spillen a grillen  – jideree bréngt säi Gedrénks a Gegrills mat.

Umeldung obligatoresch bis den 27.05.2026: integration@remich.lu 

Ëmmer den 1. Mëttwoch vum Mount ausser am November | August a September > kee Poterowend

Nuit du Sport

Dëst Joer mécht Réimech bei der Nuit du Sport mat!

An Zesummenaarbecht mat der Gemeng Schengen fënnt d’Nuit du Sport vun deenen 2 Gemengen dëst Joer bei der Schwämm zu Réimech statt.

Weider Informatioune komme no.

Draachebootfestival

Den Draachebootfestival ass vum Chineesesche Kulturzenter an Euro-Asie organiséiert, mat der Ënnerstëtzung vun der Stad Réimech.

Lokal Veräiner, Universitéiten an aner Organisatiounen aus Lëtzebuerg maache mat. Donieft kënnt dir déi chineesesch Kultur bei traditioneller Volleksmusek, Dänz, Kung-Fu an Tai-Chi Virféierungen, grad wéi och traditionelle chinesche Platen besser kenne léieren.

Gratis Entrée.