Route barrée “Avenue Lamort-Velter”

🚧🚧 Route barrée “Avenue Lamort-Velter” | ab  08.04.2025 a bis den 10.04.2025 um 09:00 Auer
🟠 D’Avenue Lamort-Velter ass wéinst gréisseren Aarbechten vum Waasserréesau gespaart. Den Accès fir d’Awunner ass weiderhi méiglech.
🚌 D’Arrêten vun der Réimecher Navette an der Avenue Lamort-Velter kënnen dofir och net ugefuer ginn.

Chantier Route de Luxembourg | Traffic & Accès 11.04.2025

Route de Luxembourg – Erneierung vum Stroossebelag

Ponts & Chaussées hunn ons matgedeelt, dass d’Route de Luxembourg wéinst der Erneierung vum Stroossebelag den 11. Abrëll 2025 tëscht 09:00 a 17:00 Auer ab dem Haus n°03 bis d’Kräizung Route de l’Europe (N2) fir de Verkéier gespaart ass.

En plus

  • ass et op deenen 2 Säite vun der Route de Luxembourg verbueden ze parken den 11. Abrëll 2025 ab 06:00 Auer a bis zum Schluss vun den Aarbechten.
  • ass weder d’Zoufaart zu de Garagen nach d’Ausfaart aus de Garagë méiglech.
  • ginn d’Busarrête fir d’Dauer vun den Aarbechten net ugefuer (ëffentlechen Transport & Navette vun der Stad Réimech).

D’Awunner si gebieden déi néideg Moossnamen ze huelen an och hir Livreuren ze informéieren.

Bauhär
Administration des Ponts et Chaussées
T. (+352) 2846 2200
E. srrm@pch.etat.lu

Merci fir Ärt Verständnis.

Route barrée Rue Dauvelt, Rue St. Nicolas & Rue Wenkel

🚧🚧 Route barrée Rue Dauvelt, Rue St. Nicolas & Rue Wenkel
 
🟠 Vum 13.11.2024 bis de 14.11.2024 sinn d’Rue Wenkel ab dem Haus n°25 bis Kräizung Rue St Nicolas & d’Rue Dauvelt ab dem Haus n°4 bis d’Haus n° 28 Rue St Nicolas gespaart.
 
🟢 Den 21. November ass d’Rue Dauvelt komplett gespaart.
 

De Buet November-Dezember 2024 ass online

 

De Buet November-Dezember 2024 ass online!

Eise Gemengebuet steet Iech vun 2023 u just nach online op eisem Site www.remich.lu zur Verfügung.

Direkte Link op déi aktuell Ausgab

Dir sidd e Réimecher Bierger oder Commerce a wëllt och weiderhin eng gedréckte Versioun vum Buet hunn, da bestellt dës per E-Mail u mato@remich.lu oder fëllt d’Bestellkoart aus a mir schécken Iech Äre Buet heem.

Chantier Rue Dauvelt | Traffic & Accès 10-19.10.2024

Informatioun vun der Firma KUHN un d’Awunner

Ëmbau vun 2 Haiser: 4, Rue Dauvelt / 38, Rue St Nicolas zu Réimech

Am Kader vun den Ëmbauaarbechte gouf d’Uschlëss un déi verschidde Reseaue fir den Zäitraum vum 10. Oktober 2024 ab 07:00 Auer bis den 18. Oktober um 17:00 Auer geplangt.
Dowéinst muss d’Strooss vun der Nummer 4, Rue Dauvelt, bis d’Nummer 30, Rue St Nicolas, gespaart ginn.

Tësche 07:30 a 17:00 Auer ass keen Zougang méiglech.

 

 

 

28.03.2024 | Informatiounsversammlung “Reamenagement vun der N10”

De Schäfferot vun der Stad  Réimech luet d’Awunner:innen op eng Versammlung an fir iwwer de  Reamenagement vun der N10 am Kader vun der 1. Phase vun der Erneierung vun der Esplanade ze informéieren.

Wéini:

En Donneschdeg, den 28. Mäerz 2024 um 19:00 Auer am CEFOS (12, rue du Château).

Eng Simultaniwwersetzung  op franséisch an englesch ass garantéiert.

Fir eng gutt Organisatioun vum Owend ze garantéiere wiere mir  frou wann Dir Iech bis de 26. Mäerz 2024 umelle kéint:

Mir hoffen Iech deen Owend  kënnen ze begréissen.

Chantier Tunnel Markusbierg | 24-25.02.2024

Chantier am Tunnel Markusbierg (A13) vum 24.-25.02.2024 | Avis vun der Stroossebauverwaltung

Vum 24.02 ab ca. 07:00 Auer bis de 25.02. ca. 17:00 Auer gëtt déi elektromechanesch Automatiséierungs- a Kommunikatiounsinstallatioun fir d’CITA am Tunnel Markusbierg iwwerpréift.

Den Tunnel ass fir d’Dauer vun den Aarbechten a béid Richtunge gespaart:

  • De Verkéier vun der A13 a Richtung Däitschland gëtt iwwert den Echangeur Mondorf, d’N16, N2, N10 an den Echangeur Schengen ëmgeleet.
  • De Verkéier vun der A13 a Richtung Péiteng gëtt iwwert den Echangeur Schengen, d’N10, N2, N13, N16 an den Echangeur Altwiers ëmgeleet.

Chantier Rue de la Cité | Transfert Busarrêt a Sens unique Rue de la Corniche

Wéinst dem Chantier an der Rue de la Cité gëtt de Busarrêt Rue Belvedère vum 19.02-19.04.2024 op d’Héicht vum Haus n°13, Rue de la Cité verluecht.
Dëst gëllt fir d’RGTR-Linnen, de Schoulbus an d’Navette.

Zousätzlech gëllt an der Rue de la Corniche e Sens unique vun der Rue de la Cité aus a Richtung Kräizung Rue des Bateliers vum 19.02-22.03.2024.

Merci fir Äert Verständnis.