Foyer du jour Muselnascht

De Foyer du Jour MUSELNASCHT gouf am Joer 1993 gegrënnt an ass eng Betreiungsariichtung déi mam Ministère fir Bildung, Kanner a Jugend konventionéiert ass an duerch d’asbl Foyer de Jour Muselnascht verwalt gëtt.

Ëffnungszäiten

  • Méindeg – Freideg vu 07:00 bis 19:00 Auer

Altersgruppen

  • Grupp “Maisercher” – Kanner vun 2 bis 18 Méint
  • Grupp “Himmelsdéiercher” – Kanner vun 18 Méint bis 4 Joer

Weider Informatiounen

  • Kapazitéit: 32 Plazen
  • Umeldung: hallef Deeg oder ganz Deeg
  • Chèque-service: profitéiert vun enger finanzieller Ënnerstëtzung fir d’Betreiung vun Ärem Kand, 20 gratis Stonnen ab dem Alter vun 12 Méint abegraff.

Firwat sech fir de Foyer du Jour Muselnascht entscheeden?

  1. Perfekte Standuert
    A Proximitéit zum Altersheem bitt de Foyer de Jour e rouegt an ureegend Ëmfeld mat engem privaten a gesécherte Gaart fir ze spillen an ze entdecken, e Park an direkter Noperschaft fir Spadséiergäng an Aktivitéiten dobaussen an eng geséchert Spillplaz fir déi motoresch Entwécklung ze fërderen an de Kanner genuch Ofwiesslung ze bidden.
  2. Lokaalt an inklusiivt Engagement
    D’Plaze gi prioritär u Kanner mat Wunnsëtz zu Réimech oder Kanner aus sozial benodeelegte Famillje verginn.
  3. Méisproochegkeet
    An engem méisproochegen Ëmfeld kënnen d’Kanner sech ganz natierlech mat de verschiddene Sprooche vertraut maachen, an dat vu Klengem un.
  4. Eng qualifizéiert an engagéiert Ekipp
    D’Ekipp besteet aus Erzéier, Kannerinfirmieren, Betreier fir dass all Kand mat der néideger Opmierksamkeet a senger physescher, sozialer, emotionaler a sproochlecher Entwécklung ka begleet ginn.
  5. E gutt ëmsuergten a beräicherend Ëmfeld
    Ofwiesslungsräich Aktivitéiten (kreativ Workshops, Spiller am Fräien, sensoresch Entdeckungen, Visitten an Ausflich, Turne mat Senioren….), Pause fir ze raschten a soumat fir e Gläichgewiicht tëscht Ureegung an Entspanung ze suergen a net ze vergiessen dem Fokus op eng intensiv Partnerschaft mat der Famill mëttels enger oppener Kommunikatioun.

Umeldung a Kontakt

  • Umeldung: iwwer de Formulaire
  • Kontakt: T. (+352) 23 69 97 15 | E. muselnascht@remich.lu

 

 

Offallgestioun

Recycling

Zanter Januar 2017 bitt d’Stad Réimech separat Kollekte fir recycléierbaren Offall un.

Zousätzlech kënnen d’Réimecher Awunner, déi am Besëtz vun enger entspriechender Kaart sinn, vum Recyclingszenter zu Bech-Klengmaacher profitéieren.

De SIGRE bitt och sëllege Servicer am Beräich vun der Offallentsuergung an -weiderverwäertung un. Hei kënnt Dir och Äre Kompost kafen.

D’SuperDrecksKëscht® këmmer sech ëm Spezialoffall wéi z.B. Ueleg, Fetter, asw.

Méi Informatioune fannt Dir an onsen Offallguide.

Aféierung vun engem Identifikatiouns-Systen fir Poubellen

Fir eng genau Erfaassung vum Offall an eiser Gemeng a vun all Haushalt ze maachen, goufen déi gro Poubellen a Containere gechipped. D’Offalltaxe bleiwen esou laang onverännert bis de Gemengerot nei Dispositioune gestëmmt huet.

D’Poubelle kréien eemoleg en Chip an eng Etikett mat engem Code Bar drop, dofir awer keng Etikette méi mam Joer drop.

Duerch den Chip kann d’Frequenz an d’Quantitéit vum Offall vun all Poubelle erfaasst gin a spéider och d’Taxen dorop baséiert ginn. All Bierger kann esou d’Taxe vu sengem Offall beaflossen. Mam Chip gi keng perséinlech Donnéeën enregistréiert.

Wann Är Poubelle nach keen Chip a keng Etikett mat engem Code Bar huet, mellt Iech weg an der Gemeng fir e Rendezvous auszemaachen:  (+352) 621 243 902. No dem 4. Juli 2023 ginn d’Poubellen ouni Chip net méi eidel gemaach.

 

 

Recyclingcenter

De Recyclingcenter “Am Haff” vun der Firma Hein ka just vun Awunner aus der Stad Réimech déi eng Zougangskoart hu genotzt ginn.

Informatiounen iwwert d’Koart an hir Notzung:

  • D’Koart kascht 10 € a se gëtt an der Gemeng ausgestallt.
  • Et ka just 1 Koart pro Haushalt ausgestallt ginn.
  • Bei Verloscht oder Beschiedegung kann eng nei Koart fir de Präis vu 25 € ausgestallt ginn. Déi al Koart gëtt dann automatesch gespaart.
  • Beim Plënneren ausserhalb vun der Gemeng gëtt d’Koart automatesch gespaart.
  • D’Notze vun der Koart ass de Persounen aus dem selwechten Haushalt virbehalen. Bei Abus gëtt d’Koart fir 1 Joer gespaart.

D’Hausuerdnung vun der Firma Hein muss zu all Moment befollegt ginn.

 

NEI am RECYCLINGCENTER – de Projet Social ReUse!

Gitt Ären elektreschen an elektroneschen Apparater en 2. Liewe mam Projet Social ReUse.

Weider Informatioune fannt Dir um Flyer.

Receptioun

  • Accueil
  • Generell Renseignementer
  • Formulären
  • Fräi Nuechten
  • Subside fir Schüler a Studenten
  • Musekschoul
  • Koarte fir bei de Containerpark “Am Haff”
  • Nightriderkoarten
  • Gestioun vun de Parkinger Gréin & Jongebësch