Mir sichen dech! | Surveillant fir de Schoultransport

D’Stad Réimech sicht 1 Surveillant fir de Schoultransport (Betreiung vu Kanner tëscht 3-12 Joer)

  • CDD bis de 15.07.2024 mat Optioun op e CDI, 6 Stonnen/Woch, Carrière A3 nom Südgemengekollektivvertrag

Viraussetzungen:

  • Erfuerderlech Sproochekenntnisser: Lëtzebuergesch, Däitsch a Franséisch
  • Autonom schaffe kënnen, flexibel sinn, teamfäeg

Kandidatur:

  • CV
  • Lettre de motivation mat Foto
  • Casier 3 + 4 (< 3 Méint)
  • Acte de naissance (< 3 Méint)
  • Kopie vun der Carte d’identité

Delai fir d’Kandidatur: 17.09.2023

Ville de Remich – Service du personnel

Place de la Résistance
B.P. 9
L-5501 Remich

Réimecher Schwämm | Ëffnungszäite bis de 15.09.2023

Réimecher Schwämm ass nach op bis de 15. September

Ëffnungszäiten:

  • Bis den 10.09.2023: 09:00-20:00
  • 11.09 – 15.09.2023: 10:00-19:00

SAVE THE DATE 🐶🐹

16:09.2023, 10:00-16:00 >>> Muppeschwammen

De Buet September-Oktober 2023 ass online!

Eise Gemengebuet steet Iech vun 2023 u just nach online op eisem Site www.remich.lu zur Verfügung.

Déi aktuell Ausgab fannt Dir hei

Dir sidd e Réimecher Bierger oder Geschäft a wëllt och weiderhin eng gedréckte Versioun vum Buet hunn, da bestellt dës per E-Mail u mato@remich.lu oder fëllt d’Bestellkoart aus a mir schécken Iech Äre Buet heem.

Opruff fir nei Memberen | Berodend Kommissiounen

Ech engagéiere mech a menger Gemeng!

D’Stad Réimech sicht no de Walen erëm no neie Membere fir hir konsultativ Kommissiounen an de Beräicher:

  • Bauten
  • Ëmwelt
  • Integratioun

Sidd Dir interesséiert aktiv an enger Kommissioun mat ze schaffen?

Hutt Dir Beruffserfarung an engem vun den Aufgabeberäicher déi an dës Kommissioune falen?

Wëllt Dir Är Liewenserfarung an den Déngscht vun Äre Matbierger:inne stellen?

Hutt Dir Iddien a sidd bereet e puer Stonnen am Déngscht vun der Allgemengheet ze schaffen?

Da fëllt de Formular aus a schéckt en zeréck:

  • per Post: Stad Réimech | BP 9 | L-5501 Réimech
  • per Email:  secretariat@remich.lu

Transfert vum Busarrêt um Maatebierg | Verlängerung

Wéinst dem Chantier an der Rue de la Cité ginn d’Busarrête vum Maatebierg bis op Weideres an d’Rue Dicks (Héicht Desom) verluecht.

Dëst gëllt fir d’RGTR-Linnen, de Schoulbus an d’Navette.

Merci fir Äert Verständnis.

Mir siche Remplaçante fir d’Maison Relais

D’Stad Réimech sicht Remplaçante fir an der Maison Relais auszehëllefen.

Viraussetzungen:
  • Erfuerderlech Sproochekenntnisser: Lëtzebuergesch, Däitsch a Franséisch
  • Formatioun (118 Stonnen) “Bases de l’éducation et de l’accueil d’enfants” (BEA)

Kandidaturen:

  • CV
  • Lettre de motivation
  • Formatioun (118 Stonnen) “Bases de l’éducation et de l’accueil d’enfants” (BEA)
  • Casier 3 + 5
Kontakt:
Maison Relais Remich
c/o Karla Delvaux
8, rue des Champs
L-5515 Remich
maisonrelais@remich.lu

Wéi wier wann Dir kéint Energie hierstellen… mat der Sonn an op Ärem Balcon?

Balconskraaftwierker, oder och „Plug&Play“ genannt, si kleng Photovoltaikanlagen, déi an der Reegel just aus 2 klenge Modüllen an engem Wiesselriichter bestinn, déi ganz einfach um Balcon kënnen installéiert ginn. Allerdéngs dierf d’Leeschtung vu sou enger Anlag maximal 799 W (Wiesselriichterleeschtung) sinn.

Wéi fonctionéiert esou eng Anlag?

D’Balconskraaftwierk stellt mat Hëllef vu senge Solarmodülle Stroum hir a speist e vun do aus iwwer eng normal Steckdous an Äert Stroumnetz an. Den hiergestallte Stroum ka sou direkt an der Wunneng verbraucht ginn. Den Iwwerschoss gëtt an dat ëffentlecht Stroumnetz agespeist, awer net verrechent.

Op wat muss een oppassen?

D‘Modülle mussen „CE“-zertifiéiert sinn. Aus Sécherheetsgrënn ass et recommandéiert ee sougenannte „Wieland-Stecker“ (eng speziell Steckdous mat no baussen hin isoléierte Kontakter) ze benotzen. Déi elektresch Installatioun muss den aktuelle Sécherheetsstandarden entspriechen. Deemno muss en FI-Schalter am Stroumreseau sinn. Ausserdeem mussen d’Modülle gutt befestegt si fir dass se bei Onwierder net fortfléien a fir dass keng Verletzungsgefor besteet.

Ass e Balconskraaftwierk rentabel?

E Balconskraaftwierk hëlleft déi eege Stroumkäschten ze drécken ass ëmsou méi rentabel wann een et fäerdeg bréngt den hiergestallte Stroum selwer ze benotzen. Kuckt dofir am Virfeld no (z.B. op der Clients-Säit vun Ärem Stroumfournisseur) ob Äre Stroumverbrauch duergeet fir den hiergestallte Stroum selwer ze benotzen.

Ginn et och Subside fir Balconskraaftwierker?

Fir de Klimabonus Subside fir e Balconskraaftwierk ze kréien, muss d’Installatioun vun enger Fachkraaft gemaach ginn. D’Héicht vum Subside ass limitéiert op 62,5 % vun de Käschten (ouni TVA) mat engem maximale Montant vun 1.562,5 €/kWp wann d’Offer tëscht dem 1. Januar 2023 an dem 31. Dezember 2023 ënnerschriwwe gouf. D’Demande vum Subside muss onbedéngt vun der Fachkraaft ënnerschriwwe sinn, déi sech em d’Installatioun këmmert.