Route barrée Rue Dauvelt & Rue St Nicolas

🚧🚧 Route barrée Rue Dauvelt & Rue St. Nicolas
 
🟠 Vum 13.01.2025 bis de 24.01.2025 ass d’Rue Wenkel tëscht den Haiser 2-4 gespaart | Demandeur: Firma Kuhn > Aarbechten um Haus no. 4 Rue Dauvelt
 
🟢 Vum 13.01.2025 bis de n 31.01.2025 ass d’Rue St Nicolas tëscht den Haiser 27-31 gespaart. | Demandeur: XLG Luxembourg sàrl > Aarbechten um Haus no. 29 Rue St Nicolas

De Buet Januar-Februar 2025 ass online!

De Buet Januar-Februar ass online!

Eise Gemengebuet steet Iech vun 2023 u just nach online op eisem Site www.remich.lu zur Verfügung.

Direkte Link op déi aktuell Ausgab

Dir sidd e Réimecher Bierger oder Commerce a wëllt och weiderhin eng gedréckte Versioun vum Buet hunn, da bestellt dës per E-Mail u mato@remich.lu oder fëllt d’Bestellkoart aus a mir schécken Iech Äre Buet heem.

D’Police informéiert | Aktuell Serie vun Abréch

Wichteg Informatioune vun der Police am Kader vun Abréch

An deene leeschten Deeg ass et virun allem wärend den Owesstonnen zu enger Rei Abréch komm. D’Police geet dovun aus, dass et sech ëm méi Täter handelt, déi och weiderhi wäerten Abréch begoen.

Sollten Iech an deem Zesummenhang verdächteg Persounen oder Autoen opfalen, da mellt dës w.e.g. direkt ënner der Noutruffnummer 113 vun der Police.

Weider Rotschléi:

  • Späert all Dieren a Fënsteren, och bei de Garagen a Kelleren, wann der netdoheem sidd.
  • Aktivéiert är Alarmanlag, och wann der nëmme kuerz fort sidd.
  • Maacht owes d’Luuchten am Haus un.

Weider Informatioune fir sech géint Abréch ze schütze fannt Dir ënner police.lu/prevention.

Info Spendesammelaktioun | UNICEF Luxembourg

Tëscht dem 25. an 30 November 2024 si Mataarbechter vun UNICEF Luxembourg zu Réimech ënnerwee fir hir Spendesammelaktioun.

D’Mataarbechter sinn un hirer Kleedung, de Faarwe vun der UNICEF an un den Déngschtausweiser ze erkennen. Si huele kee Boergeld un, d’finanziell Ënnerstëtzung gëtt iwwert en Tablet bestätegt a geet iwwert en Ordre permanent direkt vun Ärem Bankkonto of.