INVITATIOUN | Informatiounsversammlung Chantier Cité Buschland

INVITATIOUN | Informatiounsversammlung Chantier Cité Buschland

De Schäfferot vun der Stad Réimech luet d’Awunner:innen op eng Versammlung an fir iwwer de Reamenagement vun der Rue de la Corniche a Rue des Bateliers ze informéieren.

📅 Datum: Méindeg, 13.04.2026
🕖 Auerzäit: 18:30 Auer
📍 Plaz: Schoul- a Sportzenter Gewännchen | 8, rue des Champs
🌐 Sprooch: Lëztebuergesch | Iwwersetzung op Franséisch op Ufro méiglech
✍️ Umellung: bis de 07.04.2026 | T. 23 692 1 – E-Mail: mato@remich.lu

Mir freeën eis op Iech.

Cavalcade 15.03.2026 | Verkéiersinformatiounen & Ännerungen beim ëffentlechen Transport

Verkéier

Sonndes, de 15. Mäerz 2026 si wéinst der Cavalcade zu Réimech verschidde Stroosse gespaart vun 13 bis ongeféier 18 Auer.

Op ville Plazen ass et och verbueden ze parken. Mir bieden Iech d’Beschëlderung vun de verschiddene Parkverbueter genee ze liesen éier Dir Ären Auto ofstellt.

Detailléiert Informatioune fannt Dir am Verkéiersreglement.

Ëmleedungen si gezeechent.

Ännerungen am ëffentlechen Transport

Betraff sin d’Linnen 341, 342, 406, 411, 413, 431, 432 a 550, sou wéi och verschidde Busarrêten.

Weider Informatioune fannt Dir bei de jeeweilege Linnen op mobiliteit.lu oder am Avis vum RGTR.

Programm vum ganze Weekend

>> cavalcade-remich.lu

De Buet Mäerz-Abrëll 2026 ass online!

 

Déi nei Editioun vun onser Gemengenzeitung “De Buet” ass online!

Eise Gemengebuet steet Iech vun 2023 u just nach online op eisem Site www.remich.lu zur Verfügung.

Direkte Link op déi aktuell Ausgab

Dir sidd e Réimecher Bierger oder Commerce a wëllt och weiderhin eng gedréckte Versioun vum Buet hunn, da bestellt dës per E-Mail u mato@remich.lu oder an der Receptioun vun der Gemeng a mir schécken Iech Äre Buet heem.

Route barrée Place du Marché | 05.-07.11.2025

Route barrée Place du Marché

Wéinst Aarbechtenn vun der Stroossebauverwaltung (Administration des Ponts et Chaussées) ass d’Place du Marché vum 05. bis 07. November 2025 gespaart.

Impakt op den ëffentlechen Transport & d’Réimecher Navette

  • Ëffentlechen Transport > Informatiounen zu Ännerungen fannt Dir e puer Deeg virun den Aarbechten op mobiliteit.lu.
  • Réimecher Navette > ët kann zu Verspéidunge kommen.

Grenzbréck Réimech-Nenneg gespaart | 11.-13.10.2025

🚧🚧 Grenzbréck Réimech-Nenneg gespaart | 11.-13.10.2025 bis um 05:00 Auer
 
🟠 B 406 – Aarbechten Perl – Nennig
 
Den däitsche Landesbetrieb fir Stroossebau (LfS) huet matgedeelt, dass samschdes, den 11. Oktober 2025 mat dréngende Fräs- an Asphaltaarbechten un der Bréck 153 op der B 406 zu Perl-Nennig ugefaange gëtt. 
Bedéngt duerch déi schmuel Strooss ginn d’Aarbechten ënnert Vollspäerung duerchgefouert. De Verkéier gëtt iwwer Perl a Schengen op Réimech ëmgeleet an ëmgedréint an d’Ëmleedung ass ausgeschëldert.
Ännerungen am Busverkéier gi vun de jeeweilege Bedreiwer matgedeelt. 
Den LfS rechent mat Problemer am Verkéier. 
Wiederbedéngten Ännerungen am Zäitplang si méiglech. 

Strossespäerung | Avenue Lamort-Velter – Verlängerung

🚧🚧 Strassensperrung „Avenue Lamort-Velter“ | Verlängerung bis den 03.10.20205
🟠 Die Avenue Lamort-Velter ist wegen umfangreicher Arbeiten am Wassernetz bis auf weiteres für den gesamten Verkehr gesperrt. Der Zugang für Anwohner bleibt möglich.
🚌 Die Haltestellen des Pendelbusses der Stadt Remich in der Avenue Lamort-Velter werden daher nicht angefahren.